التامين المختلط على الحياة

Simuler votre devis

احمي العزاز عليك وانت مطمان 

شنوة يصير كان الوفاة تكون جرّاء حادث؟

في صورة وفاة عرضية، العقد ينصّ على صرف راس مال إضافي يساوي راس مال الوفاة الأصلي، وهكاكا المستفيدين يتحصّلوا على مبلغ مضاعف من التأمين المضمون.

  • التأمين في حالة الوفاة، المعروف زادة باسم التأمين المختلط على الحياة، يوفّر حماية مالية لعايلتك في حالة الوفاة المبكّرة
  • التأمين هذا يضمن صرف راس مال للمستفيدين بش يعاونهم يواجهوا المصاريف والتبعات المالية بعد الوفاة.

وينجم يشمل زادة تغطية في حالة العجز الكلّي والنهائي، بش تكون متهني أكثر على مستقبل عايلتك.

شمعناها التأمين المختلط على الحياة؟

التأمين المختلط على الحياة هو عقد يوفرلك ضمان مزدوج :

  • في حال الحياة : يتحصل المؤمن له على راس مال ولا جراية وقتلي توفى مدة العقد.
  • في حال الوفاة : يتم صرف راس المال المضمون للمستفيدين المعيّنين إذا توفى المؤمن له قبل ما يوفى العقد.

التامين هذا يوفر تغطية مزدوجة تجمع بين الادخار والحماية.

شنية المزايا الخاصة بالتأمين المختلط؟

  • تغطية مزدوجة : يتم صرف رأس المال للمؤمن له في حال بقائه على قيد الحياة، ولا للمستفيدين في حال وفاته.
  • مضاعفة راس المال في حال الوفاة العرضية : إذا كانت الوفاة نتيجة حادث، يتم صرف راس مال مضاعف للمستفيدين.
  • مرونة : إمكانية إضافة ضمانات أخرى كيما  :
    • العجز الدائم الجزئي.
    • العجز الدائم الكلي.
  • العجز الدائم الكلي : الأقساط اللي تخلّصها يتم خصمها من الأداءات، وهكاكا توفّر في المعاليم وتزيد تحمي روحك وعايلتك.

شنية الوضعيات الممكنة وقتلي توفى مدة العقد؟

  • في حال بقاء المؤمن له على قيد الحياة: يتحصل على رأس المال المُدَّخر ولا جراية شهرية
  • في حال وفاة المؤمن له قبل ما يوفى العقد: المستفيدين يتحصلوا على راس المال المضمون، واللي يتضاعف كان الوفاة تكون بسبب حادث

شنيّة الضمانات الإضافية اللي يمكن الاكتتاب فيها مع التأمين المختلط؟

  • العجز الدائم الجزئي : صرف جزء من راس المال في حال الإصابة بعجز نتيجة حادث ولا مرض .
  • العجز الدائم الكلي : صرف كامل راس المال المضمون لتغطية الاحتياجات المالية في حال العجز التام.

علاش التامين المختلط أحسن وعندو فايدة أكثر مقارنةً بتأمين الادخار الفردي؟

التأمين المختلط يقدم حل شامل

  • يضمن راس مال في جميع الحالات، سواء في حال الحياة ولا الوفاة
  • يوفّر أمان مالي لعايلتك من خلال مضاعفة راس المال كان الوفاة تكون بسبب حادث
  • يوفّر تغطية موسّعة بفضل إمكانية إضافة ضمانات تكميلية

شنية المزايا الجبائية في العقد هذا؟

الأقساط المدفوعة في التأمين المختلط يتم خصمها من الأداء، وهكاكا تنجم توفّر في الضريبة حتّى بنسبة ٪ 55 حسب الدخل السنوي للمكتتب.

اطلعّ على تسعيرة تامينك
الأسئلة اللي تتعاود 

 

  • شنية ميزة المرونة اللي يوفّرها العقد هذا للمكتتب؟

    تنجم تخلّص الأقساط متاعك بالطريقة اللي تناسبك: كل شهر، كل 3 شهور، كل 6 شهور ولا مرّة في العام. وهكا تخلي العقد يتماشى مع احتياجاتك وإمكانياتك المالية

معجم المصطلحات المهمة

01

التامين في حالة الوفاة (مختلط) :هو تأمين يضمن صرف راس مال للمستفيدين كان يتوفّى المؤمن له، مع حرّية الاختيار بين قسط ثابت ولا متغيّر.

02

راس المال المضمون : المبلغ المالي اللي يتم صرفو للمستفيدين في حال وفاة المؤمن له.

03

المساهمة الثابتة : مبلغ مساهمة يبقى هو بيدو طول مدة العقد، ويضمن رأس مال ثابت.

04

المساهمة المتغيّرة : مبلغ مساهمة يزيد كل عام، ويتبدّل معاه زادة راس المال المضمون.

05

الاستثناءات : شروط ولا أحداث معينة ما يشملهاش التأمين، كيما الانتحار، التحيل، ولا الأمراض الموجودة قبل العقد وما تمش التصريح بها.

06

الضمان التكميلي : حماية إضافية كيما العجز الدائم الجزئي ولا الكلي اللي ينجم يزيدها المؤمن له في العقد.

 

شنية الوثائق اللازمة للاكتتاب في تأمين في حالة الوفاة؟

ابحث عن أقرب فرع للتعاونية

الوثائق المطلوبة للاكتتاب تشمل

  • إثبات هوية
  • استمارة تصريح صحي
  • تقرير طبي (حسب مبلغ رأس المال المضمون وعمر المؤمن له وقت الاكتتاب)
 

اللي يعرف اكثر يحمي روحو خير

MAE Assurances نختار عالش