تأمين "قراية اولادك"

اطلعّ على تسعيرة تامينك

استثمارك في مستقبل      
اولادك

شنوة الهدف الرئيسي من تامين "قراية اولادك"

الهدف الرئيسي من التامين هذا هو ضمان منحة دراسية للصغير بش تمولو قرايتو الجامعية حتى في حالة وفاة الولي المكتتب (المكتتب)

تامين منحة الدراسة هو تامين معمول بش يضمن مصاريف التعليم العالي لصغيرك، حتى في حالة حدوث ظروف مش متوقعة    

التأمين هذا يخليك إمّا تكوّن رأس مال وإلا تضمن صرف منحات للقراية لفائدة صغيرك حسب الصيغة اللي تختارها    

النوع هذا من التامين يوفرلك راحة بالك ويخليك متهني من خلال ضمان المصاريف اللازمة لتعليم صغيرك مهما كانت الظروف

شنية     
مزايا تامين   
"قراية اولادك"؟

تامين "قراية اولادك" يوفرك برشا مزايا   
واللي هي

  • تكوين رأس مال : المبلغ المدخر يتم صرفه في شكل راس مال ولا منحة دراسية مضمونة لمدة 3 ولا 5 سنين .
  • مزايا جبائية : الأقساط المدفوعة يتم خصمها من الوعاء الضريبي و هكاكا تنجم توفر فلوس على الأداء.
  • عائد مضمون : يستفيد الادخار من تنمية مضمونة لراس المال مع معدل ادني يتم تحديدو كل عام وزيد يكبر العايد هذا بمشاركة في الأرباح المالية اللي جاية من استثمارات شركة التامين وفقا للتشريعات اللي جاري بها العمل.
  • حماية كاملة : في حالة وفاة الولي المكتتب يعني اللي عمل العقد، تتكفل التعاونية بدفع الأقساط حتى لين يوفى العقد.
  • هدف تعليمي : ضمان مخصص بش يمول قراية الصغار و يضمنلهم مستقبلهم الدراسي .
  • راحة البال : "قراية اولادك" هو حل يطمن الوالدين ويضمن قراية صغارهم حتى في الظروف الصعيبة .

كيفاش تقع التغطية في حالة وفاة الولي المكتتب؟

في حالة وفاة المكتتب تتكفل التعاونية بدفع الأقساط حتى لين يوفى العقد اللي يضمن استمرار منحة الدراسة المخصصة للصغير مهما كانت الظروف.

شنوة الفرق بين عقد "قراية اولادك" والعقد الفردي؟

الفرق هو انو التعاونية تلتزم بدفع الأقساط في حالة وفاة ولا عجز المكتتب و على عكس الادخار الفردي التقليدي، التامين هذا يضمن ازدهار المستقبل الدراسي للصغير المستفيد حتى كان المكتتب ماعادش في مقدورو يدفع الأقساط بسبب ظرف مش متوقع.

علاش نشترك في تامين "قراية اولادك"؟

باش تضمن قراية صغارك حتى كان تصير ظروف ما كانتش في الحسبان. الحل هذا يجمع بين الادّخار، الحماية والالتزام على المدى الطويل باش يضمنلهم مستقبل آمن.

اطلعّ على تسعيرة تامينك
الأسئلة اللي تتعاود 

 

  • كيفاش نجم نخلص بطريقة تتماشى معايا؟

    تنجّم تخلّص الاقساط بطريقة دورية كيما تحب وحسب إمكانياتك: كل شهر، كل 3 شهور، كل 6 شهور ولا مرّة في العام. المرونة هاذي تخلي العقد يتماشى مع احتياجاتك وظروفك المالية

معجم المصطلحات الأساسية

01

تأمين منحة دراسية : عقد تأمين يهدف إلى ضمان تمويل الدراسات الجامعية للصغير في حال وفاة ولا عجز المكتتب.

02

منطق الاستثمار برأس المال : خيار يتيح للمكتتب اختيار مبلغ رأس المال المراد ضمانه، مع أقساط ثابتة.

03

المنطق القائم على الأقساط : خيار يخلي المكتتب يختار مبلغ القسط، مع تحديد رأس مال مضمون وفقا للقسط.

04

الضمان في حال الحياة : صرف رأس المال إذا كان المؤمن له على قيد الحياة وقت اللي يوفى العقد.

05

الضمان في حال الوفاة : صرف فوري لرأس المال في حالة وفاة المؤمن له.

06

ضمان العجز الكلي والنهائي : صرف رأس المال في حالة عجز المؤمن له عجزاً تاماً ودائما.

 

شنية الوثايق اللازمة للاشتراك في تامين "قراية اولادك"؟

ابحث عن أقرب فرع للتعاونية

الوثائق المطلوبة هي :

  • إثباتات الهوية
  • استمارة التصريح بالمخاطر
  • استمارة طبية : حسب مبالغ رأس المال المضمون وعمر المؤمن له وقت الاشتراك.
 

اللي يعرف اكثر يحمي روحو خير

MAE Assurances نختار عالش