تامين على الحياة

اطلعّ على تسعيرة تامينك

الحماية المالية اللي تناسبك

شمعناها التامين على الحياة؟

التأمين على الحياة هو تغطية تضمن صرف راس مال ولا جراية للمستفيدين في حال وفاة المؤمن له قبل ما يوفى العقد. 
ويوفر زادة إمكانية إضافة ضمانات تكميلية لتوسيع الحماية.

التأمين هذا مصمم بش يوفّر حماية مالية في حالة الوفاة، العجز ولا كان تصير احداث أخرى مش متوقعة.    

يضمن صرف راس مال ولا جراية إمّا ليك ولا للمستفيدين المعيّنين، حسب الشروط اللي موجودة في العقد.    

هذي لمحة عن الجوانب الأساسية للتامين على الحياة، من معايير الأهلية إلى الاستثناءات المهمّة، بش تعاونك على الفهم واختيار التغطية الأنسب لاحتياجاتك.

شنوة يغطي      
التأمين على الحياة   
في حال وفاة المؤمن له؟

في حالة الوفاة قبل ما يوفى العقد :

  • يتم صرف راس مال الوفاة للمستفيدين المعيّنين في العقد
  • يتم دفع راس المال هذا على شكل جراية لمدّة 5 ولا 10 سنوات حسب الاختيار الموجود في العقد

شنوّة الدعم الإضافي في حالة الوفاة بسبب حادث؟

في حالة الوفاة بسبب حادث، يتم صرف رأس مال إضافي يعادل رأس مال الوفاة الأصلي للمستفيدين، اللي يضاعف الحماية المالية للمقرّبين.

شنية الضمانات التكميلية اللي ممكن اكتتابها؟

  • العجز الدائم الجزئي  
    صرف جزء من رأس المال في حالة العجز الناتج عن مرض ولا حادث
  • العجز الدائم الكلّي  
    صرف كامل رأس المال في حالة العجز الكلّي.
  • ضمان جراية التعليم: في حال وفاة المؤمن له، يتم صرف جراية للصغار المستفيدين حتى يوصلوا لعمر 18 سنة، لتمويل قرايتهم ولا تغطية احتياجاتهم.
اطلعّ على تسعيرة تامينك
الأسئلة اللي تتعاود 

 

  • شنية المزايا الجبائية المرتبطة بالتأمين على الحياة؟

    الأقساط المدفوعة يتم خصمها من الوعاء الضريبي، الشي اللي يخليك تعمل توفير في الضرائب.

  • شنية المرونة اللي يوفّرها العقد هذا للمكتتب؟

    تنجم تخلّص الأقساط متاعك بالطريقة اللي تناسبك: كل شهر، كل 3 شهور، كل 6 شهور ولا مرّة في العام. وهكا تخلي العقد يتماشى مع احتياجاتك وإمكانياتك المالية

  • شنيّة الفرضيات الممكنة في العقد هذا؟
    • وفاة المؤمن له قبل ما يوفّى العقد: يتم صرف رأس مال ولا جراية للمستفيدين المعيّنين في العقد، مع مضاعفة رأس المال في حالة الوفاة جراء حادث .
    • العجز الجزئي ولا الكلي :يتم صرف جزء ولا كامل راس المال، حسب الضمانات التكميلية اللي وقع اكتتابها.
  • علاش نكتتب في التامين على الحياة؟
    • بش تضمن دعم مالي لعايلتك في حال الوفاة ولا العجز.
    • بش تضمن استمرار قراية صغارك، من خلال الاكتتاب في ضمانات اختيارية كيما جراية التعليم.
    • بش تستفيد من الامتيازات الجبائية وفي نفس الوقت تحمي العزازعليك.

الأسئلة اللي تتعاود حول التامين على الحياة

01

الملحق : وثيقة تعدل في شروط عقد تأمين موجود من قبل.

02

رأس المال المضمون : مبلغ مالي متفق عليه يتم صرفو في حالة الوفاة ولا العجز، وفقاً لشروط العقد.

03

القسط : المبلغ اللي يخلّصو المؤمن له بصفة منتظمة بش يضمن تواصل التغطية.

04

الخصم الجبائي : تخفيض في الدخل الخاضع للضريبة، يساعد في تقليل قيمة الأداء المستوجب.

05

العجز : عدم القدرة الكاملة ولا الجزئية على القيام بنشاط مهني بسبب مرض ولا حادث.

اللي يعرف اكثر يحمي روحو خير

MAE Assurances نختار عالش