تأمين ضد الحريق

كيفاش يتمّ تأمين الجمعية  
ضدّ الحريق؟

تأمين الحريق يكون لمدة عام، ويتجدّد بصفة آلية.
يغطّي الأضرار المادية اللي تنجم تمس الممتلكات العقارية، 
كيما المقرّات والمكاتب، والممتلكات المنقولة، كيما التجهيزات والمعدّات، 
سواء كانت ملك للجمعية ولا مستأجرتهم

شنوّة أنواع التغطية اللي توفرها شركات التأمين للجمعيات ؟

الصيغ المتوفرة هي :

• الصيغة الأساسية : تغطّي مخاطر الحريق، الانفجار والأضرار الناتجة عن الصاعقة
• الصيغة الموسّعة : تشمل ضمانات إضافية ضدّ أضرار المياه، العواصف وغيرها من العوامل المناخية
• الصيغة الشاملة : توفّر حماية أوسع، وتشمل الكوارث الطبيعية، أعمال التخريب، وفي بعض الحالات حتى الخسائر الناتجة عن توقّف النشاط

شنوّة المعايير اللي يتحدّد على أساسها قيمة قسط تأمين الحريق لجمعية؟

المعايير تشمل مساحة المقرّ وموقعه، قيمة التجهيزات والمعدّات، طبيعة النشاط متاع الجمعية ، وزادة وسائل السلامة الموجودة، كيما نظام الإنذار، مطافئ الحريق وغيرها

شنوّة الحالات اللي عادةً ما يشملهاش تأمين الحريق للجمعيات ؟

الاستثناءات تنجم تشمل الأضرار المتعمّدة، الحوادث الناتجة عن تجهيزات كهربائية غير مطابقة لمعايير السلامة، والأضرار الناتجة عن الحروب ولا الحوادث النووية

هل ممكن نزيد خيارات تغطية إضافية ؟

نعم، تنجم تزيد ضمانات إضافية كيما تغطية خسائر النشاط، مصاريف الإقامة المؤقتة، أو حماية الوثائق والمستندات المهمة.

شنوّة الفرق بين تأمين الحريق لجمعية وتأمين الحريق للفرد؟

تأمين الحريق لجمعية ما يغطّيش كان الممتلكات والتجهيزات، أمّا ينجم زادة يشمل ضمانات مرتبطة بطبيعة النشاط ، كيما مصاريف الإصلاحات الاستعجالية ولا الإقامة المؤقتة للفرق. أمّا تأمين الحريق للأفراد، فعادةً يكون موجّه أساسًا لحماية المسكن الخاص

كيفاش نجّم نخصّص تأمين الحريق حسب حاجيات الجمعية متاعي؟

تخصيص التغطية يتحدّد حسب حجم الجمعية ، الممتلكات والتجهيزات اللي يلزم حمايتها، وطبيعة الأنشطة اللي تنظّمها. من الأفضل تناقش حاجياتك مع شركة التأمين باش تضبط الضمانات المناسبة، 
كيما تغطية التظاهرات المفتوحة للعموم ولا المخاطر المرتبطة باستعمال التجهيزات الكهربائي

شنوّة فوائد التغطية الشاملة ضدّ الحريق لجمعية ؟

التغطية الشاملة ما تحميش كان الممتلكات من الحريق، أمّا تشمل زادة مخاطر أخرى، كيما الكوارث الطبيعية وأعمال التخريب. وتضمن استمرارية النشاط حتى بعد وقوع حادث كبير

شنوّة الوثائق اللازمة للاكتتاب في تأمين ضدّ الحريق لجمعية ؟

الوثائق المطلوبة تشمل النظام الأساسي متاع الجمعية ، قائمة مفصّلة في الممتلكات والتجهيزات اللي يلزم تأمينها، مخطّط المقرّ، وزادة معلومات على وسائل السلامة الموجودة، كيما نظام الإنذار ومطافئ الحريق