تأمينات MAE

قصتنا

تأسست الشركة في 1962، و تعاونية التأمين للتعليم هي قبل كل شيء جماعة إنسانية تجمعها قيم التضامن والروح الجماعية. هي شركة تأمين بلا هدف ربحي، تخدم مصلحة المنخرطين قبل كل شيء، وتحط مصلحتهم في صلب أولوياتها.

من أوّل تأسيسها، ما كانتش التعاونية مجرّد شركة تغطّي الأخطار اللي يسمح بيهم القانون. كانت ديما تحمل معنى أعمق: تبني رابط ثقة، تعاون، وتضامن بين منخرّطيها.

وعلى خاطرها ديما تحطّ الإنسان قبل كلّ شيء، تبقى التعاونية وفيّة لقيمها الأصلية: تحمي، تساند، وتقوّي روح التضامن بين منخرّطيها. 

ومهما تبدّلت الظروف وتطوّر المجتمع وتغيّرت أنواع المخاطر، تواصل التعاونية تطوّرها باش تبقى ديما قريبة للناس وتخدمهم بالأنسب وبالأفضل.

في العشر سنين الأولى، النحرطين كانوا فقط الأساتذة و المعلمين ونشاطها كان محدود بتأمين السيارات. مع الوقت، فتحت المجال للموظفين، العمال، المهن الحرة، الشركات والجمعيات. وزادت فروع أخرى كيما تأمين الحياة، المسؤولية المدنية العامة، المخاطر التقنية وغيرها.

التعاونية اعتمدت شعارها «ببعضنا مامنين» اللي يعكس التبادل، الثقة وروح التعاون، اللي هي قيمة أساسية لتعاونية التأمين للتعليم. 
التعاونية تخدم يومياً لمصلحة أكثر من 300,000 منخرط، وتوظف أكثر من 500 شخص. هي رائدة في تأمين السيارات وتتميّز كذلك بمنتجات التأمين الفردي، منتجات الاستثمار وتأمينات الأضرار.

التعاونية هي زادة مؤسّسة نابعة من البيئة الاجتماعية الشعبية، وين تكون روح التعاون موش مجرّد هدف، اما جزء أساسي من هويّتها. 
تأسست بش تواجه مختلف أشكال التفاوت، وتركّز في عملها على توفير حلول تنافسية وفعّالة لفائدة مجموعة واسعة من الفئات الاجتماعية.

الجوائز والتّتويجات            
التعاونية ديما تسعى للتميّز، و تفخر بكلّ جائزة ولا تتويج تتحصّل عليه، على خاطرّها شهادة حيّة على المجهود الكبير اللي يقدّمو فيه أعوانها باش يوفّروا أحسن خدمة لمنخرّطيها.

التنمية المستدامة           
من وقت اللي تأسّست، والتعاونية تعطي الأولوية بش توازن بين الجانب المالي والاقتصادي من جهة، والاهتمامات الاجتماعية والبيئية من جهة أخرى. وتشوف إنّو التوازن هذا هو السبيل الوحيد بش تبقى ديما منسجمة مع رسالتها الاجتماعية.

الحوكمة          
تتميّز التعاونية بحوكمة ديمقراطية وتشاركية. وباعتبارها تعاضدية، تتسيّر مباشرة من منخرّطيها، اللي ينتخبوا ممثّليهم لتكوين الجمعية العامة. 

ومن بعد، يقوم الممثّلين هاذم بانتخاب مجلس الإدارة، اللي يتكفّل بضمان تسيير شفّاف، عادل، ومنسجم مع قيم الديمقراطية الاجتماعية اللي تعتمدها التعاونية.

طموحنا بش نكونو في الصدارة في التأمينات الجماعية مبني على أساس قوي والتزامات واضحة:

• حلول مبتكرة ومناسبة : في التعاونية، نلتزمو باش نطوّروا منتجات تأمين ذات جودة عالية وقيمة مضافة قادرة تلبّي انتظارات منخرّطينا وتواكب تغيّرات المجتمع.
• هيكل مرن وفعال : بفضل مرونة التنظيم، وروح الالتزام عند الفريق، واعتماد مقاربة تجمع بين الإبداع، الجرأة والانضباط، احنا ديما جاهزين باش نواجهوا أيّ تحدّي.
• علاقة قرب معزّزة : المنخرّط ديما في قلب أولوياتنا. نرافقوه في كلّ مراحل حياتو ومشاريعو، باش نبقاو قريبين منو ونوفّرولو أحسن خدمة.
• رغبة دائمة في الابتكار : ديما نلوجو على كلّ فرص التطوّر باش نعزّزوا مكانتنا بين أبرز المتعاملين في سوق التأمين في تونس.
• نموذج جماعي متجدد : وفيّين لقيمنا الأصلية، ونعطيوا نفس جديد للروح التعاونية بش نلبّيو احتياجات اليوم ونستعدّوا لاحتياجات المستقبل.

بفضل الالتزامات هاذي، نأكّدوا عزمنا باش نبقاو شريك ثقة لمنخرّطينا، وفاعل أساسي في قطاع التأمين.

القيم متاع تأمينات MAE مجمعة تحت عنوان الأثر.

التعاونية تثبّت روحها كمؤسّسة مبتكرة ومُلْتزمة، تخدم منخرّطيها والمجتمع التونسي.
النموذج التعاوني متاعها، وقيمها القويّة، والإجراءات الملموسة اللي تقوم بيها في مجال التنمية المستدامة، يخلّيوها فاعل مرجعي وأساسي في قطاع التأمين في تونس.