تأمين فردي على الحوادث

كيفاش يوفّر  
التأمين الفردي ضدّ الحوادث
الحماية لأعضاء الجمعيات ؟

التأمين هذا يغطّي الأعضاء والمتطوّعين والمشاركين كان يتعرّضوا لحادث خلال الأنشطة اللي تنظّمها الجمعية. وفي صورة وقوع حادث، ينجم الشخص المؤمَّن عليه ولا عايلتو ينتفعوا بتعويضات تشمل مصاريف العلاج والاستشفاء، وزادة تعويض مالي في حالة العجز ولا الوفاة

شنوّة أنواع التغطية اللي توفّرها شركات التأمين للجمعيات ؟

الصيغ المتوفّرة تشمل

• الصيغة الأساسية : تغطّي الأضرار البدنية الناتجة عن حادث، و تشمل مصاريف العلاج والإقامة في المستشفى
• الصيغة المتوسّطة : تشمل تعويضات يومية في حالة العجز الوقتي عن العمل ولا عن المشاركة في أنشطة الجمعية
• الصيغة الشاملة : توفّر أعلى مستوى من الحماية، وتشمل التعويض في حالة العجز الدائم والتعويض في حالة الوفاة زادةالوفاة.

شنوّة المعايير اللي يتمّ اعتمادها باش يتحدّد معلوم التأمين الفردي ضدّ الحوادث للجمعية ؟

معلوم التأمين يتحدّد حسب عدد الأعضاء ولا المشاركين االمؤمن عليهم، ونوعيّة الأنشطة متاع الجمعية، إذا كانت فيها مخاطر ولا لا، وزادة حسب التغطية اللي تختارها الجمعية، أساسية ولا شاملة

شنيّة الالاستثناءات اللي التأمين ما يغطّيهاش؟

عادةً التأمين ما يغطّيش الحوادث اللي تصير عن قصد، ولا الإصابات  
اللي تصير وقت المشاركة في نشاط مش موافق عليه من طرف الجمعية،  
ولا الحوادث اللي تصير والشخص تحت تأثير المخدّرات ولا الكحول

فمّا تغطيات إضافية تنجم الجمعية تزيدها؟

إي نعم، تنجم تختار تغطيات إضافية، كيما تغطية مصاريف النقل الطبّي، والترفيع في قيمة التعويض في حالة العجز ولا الوفاة، وزادة ضمانات خاصّة بالأنشطة اللي فيها مخاطر كبيرة، كيما الرياضات الخطيرة ولا الأشغال اليدوية

شنوّة الفرق بين التأمين الفردي للجمعية و التأمين للفرد؟

تأمين الجمعية يغطّي عادةً أكثر من شخص، كيما الأعضاء والمتطوّعين والمشاركين، خلال الأنشطة والتظاهرات اللي تنظّمها الجمعية أمّا التأمين الفردي العادي، فهو يغطّي شخص واحد برك. وزادة، تأمين الجمعية ينجم يشمل الحوادث والمخاطر المرتبطة بالأنشطة المشتركة

كيفاش نجّم نخصّص التغطية حسب حاجيات الجمعية متاعي؟

تنجم تختار التغطية حسب عدد المشاركين، ونوعيّة الأنشطة اللي تنظّمها الجمعية، ومستوى الحماية اللي تحتاجو. و يكون خير اذا تتشاور مع شركة التأمين باش تعدّل الضمانات حسب المخاطر المرتبطة بالأنشطة والتظاهرات والمشاريع

شنوّة المزايا متاع التأمين الفردي الشامل للأعضاء؟

التغطية الشاملة توفّر حماية أكبر للأعضاء في حالة وقوع حادث، وتتكفّل بمصاريف العلاج والاستشفاء، وتعوّض على خسارة الدخل. و توفّر تعويض مالي في حالة العجز الدائم ولا الوفاة زادة

شنوّة الوثائق اللازمة للاكتتاب في التأمين الفردي على الحوادث؟

الوثائق المطلوبة تشمل
النظام الأساسي متاع الجمعية  
وصف للأنشطة اللي باش يشملها التأمين 
عقد الانخراط في التأمين